Vía O Traveseiro coñezo a nova proposta dos sempre xeniais impulsores da web Sei o que nos figestes ... , que desta volta se desprazarán a Valença do Minho para torcer pola selección portuguesa de fútbol no seu partido contra a española. É prevísibel a sorpresa dos seareiros locais, que seguramente atendan e entendan tanto coma fixo o camerunés Eboué coas indicacións técnicas do adestrador coreano. Ficamos desde xa atentos á repercusión mediática desta divertida e vindicativa excursión ridiculista, que para alén do apoio moral dos futboleiros antiespañolistas activos (os que si veremos o partido e/ou leremos Lois Pereiro) conta xa con escollidos lemas para a ocasión ("Foi tudo uma artimanha, Valença não é Espanha!", "Capetom, a nova Aljubarrota!" ou "Cristiano Ronaldo, antes eras um filho da puta mas agora és um colega de puta madre, és um colega de puta madre...") .
Ronseltz, Os Diplomáticos, Vigo capital Lisboa, Siniestro Total, o punkismo máxico, Lois Pereiro, Sétima Legiao, o sebastianismo, o Reino medieval de Galiza e o ridiculismo como xeito de acción política. Quen dixo que o fútbol non era cultura?
Encántanme os Seioque....!
ResponderExcluirO humor e o atrevemento da xente de Aduaneiros sem fronteiras e Sei o que..., o movemento ridiculista e o éxito da simboloxía pop galega en camisolas, música e demais foron das descubertas máis refrescantes dos últimos anos, desde logo.
ResponderExcluir