Unha hora co líder de Occidente e outros posts

Con ese título (Unha hora co líder de Occidente) introduce no seu blog Xosé Manuel Pereiro, intelixente e retranqueiro coma sempre, a súa crónica en El País sobre a sinatura de libros de Aznar na Coruña. Anímovos a lela, e tamén a lembrar e clarificar de quen falamos cando falamos de Aznar, en tempos coma estes nos que as persoas e os medios perden tan rapidamente a memoria. Déixovos con catro xoias do ínclito elemento, presidente do PP e da fundación da dereita extremista FAES. Nelas, o líder da dereita pasa polo desvarío etílico, o acomplexamento ridículo, a megalomanía histórica e criminal e a traición á confianza dos propios cidadáns españois.

Por outro lado, convídovos tamén a facer repaso dos post actuais dos blogueiros que teño na sección BLOGUES PREFERIDOS, na columna da esquerda do meu. A verdade é que as entradas de hoxe de Félix Soria, Fermín Bouza, Xosé Mexuto, Manuel Jabois, Arturo Casas e Suso Fdez. Acevedo non teñen desperdicio, e dalgunha forma representan unha certa converxencia -desde posicións ideolóxicas ben diferentes- na necesidade de que, como sociedade, apostemos pola convivencia, o diálogo e a responsabilidade como valores sobre os que construír o noso presente e o noso futuro.