O video que viron os xogadores do Barça antes da final

Aqui o tedes, o vídeo que Guardiola puxo aos seus xogadores minutos antes de saltar ao campo, despois da charla técnica. Máis que pola súa calidade, é de interese polo que supón como táctica de motivación e valorización do colectivo, do traballo en equipo e da identificación co traballo por uns obxectivos comúns. Nel saen todos e cada un dos xogadores da primeira plantilla do Barça, desde Messi a Jorquera ou Pedro, tal e como Guardiola pediu ao seu realizador, o xornalista de TV3 Santi Padró. Como veredes, hai unha pequena introdución inicial de dous minutos que conta como foi o proceso de elaboración, e despois xa pasa directamente ao vídeo en si.